Алматыда жауын: синоптиктер жаңбыр қашан тоқтайтынын айтты

Сурет: Zakon.kz

«Қазгидромет» РМК Алматы филиалының синоптиктері оңтүстік астанада 11 мамыр күні түстен кейін басталған жауынның қашан тоқтайтынын айтты, деп хабарлайды Zakon.kz.

Алматыда күндіз қатты жаңбыр жауа бастады. Бұрын дауылды ескерту жіберілген. Жауын не күшейіп, не тоқтауы мүмкін. Болжам бойынша жаңбыр 12 мамыр күні сағат 09:00-ге дейін тоқтайды, мүмкін одан да ертерек, - деді «Қазгидромет» РМК Алматы қаласы бойынша филиалының метеорологиялық болжамдар бөлімінің басшысы Дәулет Қисебаев Zakon.kz тілшісіне.

Бұған дейін Алматыда толассыз жаңбыр жауып, соның салдарынан мегаполис көшелері біртіндеп өзенге айналған еді.

Ауа райы болжамына сәйкес, алдағы үш күнде оңтүстік астанада қатты жаңбыр жауады.

9 мамырда Алматы қаласының Төтенше жағдайлар департаменті мегаполисте 10-11 мамырда дауылды ескерту жарияланғанын хабарлады.

Оқи отырыңыз