15 маусымға дейін Алматының екі метро станциясы іске қосылады
Сурет: Алматы әкімдігі
Алматы әкімі Ерболат Досаев Алматыдағы «Сарыарқа» және «Момышұлы» метро станциялары қашан іске қосылатынын айтты, деп хабарлайды Zakon.kz.
Қала әкімі атап өткендей, ауданда транзит орналасуына байланысты көлік ағыны тым көп. Сол жүктемені азайтуға бірнеше жоба көмектесуі керек.
Биыл 15 маусымға дейін метрополитеннің 2 станциясын, «Сарыарқа» және «Момышұлы» бекеттерін іске қосу жоспарланып отыр. Бұл метродағы күнделікті жолаушылар ағынын 40 мыңнан 86 мыңға дейін арттырады, – делінген Алматы әкімдігінің хабарламасында.
Сонымен қатар Төле би көшесін ұзарту жалғасып жатыр. Ол үшін 270 жер учаскесін босату керек. Оның ішінде 63 учаске бойынша сатып алу туралы келісім жасалған.
Былтыр ашылған Момышұлы көшесінен басталатын Абай даңғылындағы алты жолақты жол жүктемені азайтып, көлік қозғалысын кеңейтеді.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
