Қазақстанда найзағай, қатты жел және төтенше өрт қаупі болуы мүмкін

найзағай, ауа райы, көктем, сурет - Zakon.kz жаңалық 24.05.2022 18:39

Сурет: unsplash

25 мамырда еліміздің бес облысында дауылды ескерту жарияланды, деп хабарлайды Zakon.kz.

Синоптиктердің болжауынша, күндіз Солтүстік Қазақстан облысында, облыстың солтүстігінде, батысында оңтүстік-шығыстан жел соғады. Жел екпіні 15-20 м/с жетеді. Петропавлда күндіз оңтүстік-шығыстан соғатын желдің екпіні 15-20 м/с болады.

Түнде Батыс Қазақстан облысының шығыс жартысында найзағай ойнап, бұршақ жауады. Солтүстік-батыстан жел соғады. Облыстың солтүстік-шығысында күндіз жел екпіні 15-20 м/с болады.

Күндіз Ақтөбе облысының шығысында найзағай ойнайды. Оңтүстік-шығыстан соғатын жел солтүстік-батысқа ауысады. Күндіз облыстың шығысында жел екпіні –15-18 м/с.

Түнде Атырау облысының шығысында найзағай ойнайды. Солтүстік-батыстан жел соғады. Облыстың шығысында жел екпіні – 15-20 м/с.

Күндіз Қызылорда облысының орталығында және солтүстігінде шаңды дауыл соғады. Оңтүстік-шығыстан соғатын жел облыс орталығында және солтүстігінде батысқа ауысады, күші 15-20 м/с. Облыс орталығында төтенше өрт қаупі бар. Қызылордада күндіз шаңды дауыл соғады. Оңтүстік-шығыстан соғатын жел батысқа ауысады, күндіз екпіні 15-20 м/с. Өрт қаупі сақталады.

Оқи отырыңыз