«Дүрбелең басталды»: Алматы метросында пойыз тоқтап қалды

Метро Алматы, сурет - Zakon.kz жаңалық 31.05.2022 17:40

Сурет: Zakon.kz/Павел Михеев

Метроға мінген Алматы тұрғындары пойызды кемінде 40 минут күтуге мәжбүр болды, деп хабарлайды Zakon.kz.

Бұл оқиға туралы блогер Антон Волер Facebook-тегі парақшасында жазды.

Zakon.kz тілшісі сол сәтте пойызда болған адаммен әңгімеліп, не болғанын сұрады.

Райымбек станциясынан келе жатып Абай станциясына жетпей пойыз тоқтады. Жарық болды, 15 минуттай тұрдық. Содан кейін машинист қасымыздан пойыздың басқа бөлігіне жүгірді. Дүрбелең осы кезден басталды. Содан кейін жарық сөніп қалды, бірақ ұзаққа созылмады. Кейіннен жарық өшіп-жанып тұрды. Не болып жатқанын білуге тырыстық, бірақ бізге ештеңе айтпады. Нәтижесінде келесі пойыз бізді итеріп шығарып, Абай станциясына жеткізді. Бәрімізден метродан шығуымызды сұрады.Карина Калинина

Метрополитеннің баспасөз қызметі редакция тілшісіне техникалық себептерге байланысты пойыз Алмалы мен Абай станциялары арасындағы туннельде тоқтағанын айтты.

Пойыз 15 минут тоқтап қалды. Себебі анықталып жатыр. Тағы қосымша ақпарат беріледі. Қазір пойыздардың жүру кестесі қалпына келтіріліп жатыр.Алматы метрополитенінің баспасөз қызметі

Оқи отырыңыз