Қазақстанда самокатты пайдалану ережесі қатаңдатылуы мүмкін

Сурет: Zakon.kz

Қазақстанда ұзақ талқылаулардан кейін «Электр самокаттары» ұлттық стандартының жобасы әзірленді. Құжатта самокаттарының максимал жылдамдығы – 25 км/сағ дейін. Сонымен қатар онда жаяу жүргіншілер режимінің мүмкіндігі қарастырылған, деп хабарлайды Zakon.kz.

Бұл стандартты әзірлеуге Ішкі істер министрлігі бастамашы болды. Осы стандарттың аясында біз самокаттың максимал жылдамдығы 25 км / сағ дейін қойдық, сонымен қатар жаяу жүргіншілер режимінің мүмкіндігін қарастырдық. Скутерді өндірушінің өзі самокатты тікелей пайдаланатын адамның бойына, салмағына және жасына қатысты нұсқауларды қамтамасыз етуі керек. Ал техникалық жағынан қойылатын талап – самокаттың жарыққа шағылысатын таңбасы болуы.Ербол Сейпілов, Доңғалақты және ауыл шаруашылығы машиналарын стандарттау жөніндегі техникалық комитетінің төрағасы

Сонымен қатар Ербол Сейпіловтің айтуынша, фаралар мен сигналдың міндетті болуы туралы талапты енгізу жоспарланып отыр. Соңғысы, ең әуелі адамдардың жақындағаны туралы ескерту үшін қажет. Осылайша самокат жүргізушісі өзі үшін және айналасындағылар үшін қауіпсіз жүре алады.

Электр самокатын жалпыға ортақ жолдарда пайдалануға болады. Бірақ апаттардың алдын алу үшін қарапайым жол қозғалысы ережесін сақтау керек. Сонымен қатар, әрине, тротуарлармен жүре алады. Самокат жүргізушісі қозғалыс жылдамдығын шектеуі немесе қауіп төндірмейтіндей адамдардың алдында тоқтауы керек. Бұл стандарт заңнамадағы нормативтік құжаттарда, жол жүру ережелерінде осы мәселені реттеу мақсатында әзірленіп жатыр. Толық көріністі біз стандарттың өзін әзірлеген соң және заңнамаға тиісті өзгерістер енгізілгеннен кейін көреміз. Орындау мерзімі – шамамен қыркүйек.Ербол Сейпилов

Қазір электр самокатына веложолдарда, қоғамдық көліктер жолағында жүруге рұқсат етілген. Бұл ретте электр самокатымен жалпы жолдарда жүру бөлігінің оң жақ жиегімен жүруіне рұқсат етіледі.

Ішкі істер министрлігінің статистикасы бойынша, 2021 жылы самокат жүргізушілерімен 68 жол-көлік оқиғасы болған. Салдарынан бір адам қаза тауып, 71 адам жарақат алған. Биыл самокат жүргізушілерінің 41 жол-көлік оқиғасы тіркелді. Мұндай жол апаты көбіне Алматыда болады.

Оқи отырыңыз