Алматы облысының тауларында үш мотоцикл жүргізуші адасып қалды

Сурет: Zakon.kz

19 маусым күні түс ауа мотоцикл мінген үш адам Қырықауылды ауылы мен Қаскелең шатқалының арасындағы тауға барған. Кешке қарай жолдастардың бірі әкесіне телефон соғып, адасып кеткенін айтты, деп хабарлайды Zakon.kz.

Осыдан кейін жігіттер хабарласпаған. Жігіттердің ата-анасы құтқарушыларға жүгінген.

Түнгі сағат екілер шамасында Республикалық жедел-құтқару жасағы құтқару тобы кинологиялық экипажмен бірге жоғалғандарды іздеуге шықты. Орналасқан жері белгісіз, зардап шеккендермен байланыс болған жоқ. Іздеу түні бойы жалғасты. Таңертең ерте жоғалған жігіттердің бірі табылды.Республикалық жедел-құтқару жасағы баспасөз қызметі

Тағы екі сағаттан кейін Қожай тракті аймағында жоғалған тағы екеуі табылды.

Құтқарушылар жоғалған достарын туыстарына тапсыру үшін қауіпсіз жерге түсірді. Зардап шеккендер өзін жақсы сезінген және медициналық көмекке мұқтаж емес.Республикалық жедел-құтқару жасағы баспасөз қызметі

Құтқарушылар тауға, табиғатқа шықпас бұрын ауа райын біліп, төтенше жағдайда қажет заттарды ала шығуды ескертеді.

Оқи отырыңыз