Сенбі күні Қазақстанда тұман түсіп, дауыл тұрады, бұршақ жауады деп күтіледі
Сурет: unsplash
Күндіз Ақтөбе облысының солтүстігінде, шығысында найзағай ойнайды деп күтіледі.
Ақмола облысының батысында, оңтүстігінде, шығысында найзағай ойнайды деп күтіледі. Түнде және таңертең облыстың солтүстік-батысында, шығысында тұман түседі. Өңірдің солтүстік-шығысында, шығысында соққан желдің екпіні 15-20 м/с құрайды.
Түнде Абай облысының солтүстігінде, солтүстік-батысында, орталықта, ал күндіз өңірдің басым бөлігінде найзағай ойнайды деп күтіледі. Күндіз облыстың солтүстігінде, солтүстік-батысында, батысында бұршақ жауады, дауыл тұрады деп күтіледі. Оңтүстік-батыстан солтүстік-шығысқа ойыса соққан желдің екпіні 15-20 м/с, күндіз 23 м/с құрайды. Семейде найзағай ойнайды деп күтіледі. Оңтүстік-батыстан солтүстік-шығысқа ойыса соққан желдің екпіні 15-18 м/с жетеді.
Шығыс Қазақстан облысының басым бөлігінде найзағай ойнайды деп күтіледі. Күндіз облыстың солтүстігінде, солтүстік-батысында, шығысында бұршақ түседі, дауыл тұрады деп күтіледі. Оңтүстік-батыстан солтүстік-шығысқа ойыса соққан желдің екпіні өңірдің солтүстік шығысында, шығысына, орталығында 15-20 м/с, кей тұста 23 м/с жетеді.
Қарағанды облысының басым бөлігінде найзағай ойнайды деп күтіледі. Түнде және таңертең облыстың солтүстігінде және орталығында тұман түседі. Облыстың шығысы мен оңтүстігінде солтүстік-шығыстан 15-20 м/с жылдамдықпен жел соғады, екпіні 25 м/с жетеді. Солтүстік-шығыстан соққан желдің екпіні 15 м/с құрайды.
Ұлытау облысының солтүстігі мен шығысында найзағай ойнайды деп күтіледі. Түнде және таңертең облыстың солтүстігі мен шығысында тұман түседі. Солтүстік-батыстан жел соғып, солтүстік-шығысқа ойсады, найзағай кезінде екпіні 15-20 м/с жетеді.
Қызылорда облысының басым бөлігінде төтенше өрт қаупі сақталады. Қызылордада төтенше өрт қаупі сақталады.
Павлодар облысының оңтүстік жартысында найзағай ойнап, бұршақ түседі деп күтіледі, түнде облыстың оңтүстік-шығысында тұман түседі. Солтүстік-шығыстан жел соғады, найзағай кезінде екпіні 15-20 м/с жетеді. Солтүстік-шығыстан жел соғады, күн күркіреген кезде екпіні 15-20 м/с жетеді.
Күндіз Қостанай облысының оңтүстігінде найзағай ойнайды деп күтіледі. Түнде және таңертең облыстың шығысында тұман түседі. Солтүстік-шығыстан жел соғады, күндіз облыстың оңтүстігінде соққан жел 15 м/с жылдамдықпен күшейеді.
Түркістан облысының таулы аудандарында солтүстік-шығыстан 15-20 м/с жылдамдықпен жел соғады, облыстың шөлейтті аудандарында төтенше өрт қаупі сақталады.
