Синоптиктер Алматы тұрғындарына демалыс күндері аптап ыстық болатынын ескертті
Сурет: pixabay
"Қазгидромет" РМК-ның дауылды ескертуі негізінде қалалық ТЖД Алматы тұрғындары мен мегаполис қонақтарын 17 шілдеде аптап ыстық болатынын ескертті, деп хабарлайды Zakon.kz.
Әсіресе, жүрек-қан тамырлары ауруларынан, артериялық гипертониядан зардап шегетіндер, сондай-ақ инфаркт пен инсульт алу қаупі бар адамдар үшін аптап ауа райы қауіпті, делінген хабарламада.
Құзырлы ведомства азаматтарды аптап ыстықта серуендеуге шығудан аулақ болып, дене жаттығуларымен, ауыр физикалық жұмыспен белсенді айналыспауға шақырады.
Дәрігердің ұсыныстарын орындау және тағайындалған дәрі-дәрмектерді уақтылы қабылдау қажет. Артериялық гипертензияға шалдыққан адамдар қан қысымын үнемі қадағалап отыруы керек. Құтқарушылар қала тұрғындары мен қонақтарын басынан күн өтіп кетпес үшін көп серуендемеуге кеңес береді.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
