Ыстықкөлге апаратын жол толығымен ашылды

Ыстықкөлге апаратын жол тазаланды, сурет - Zakon.kz жаңалық 02.08.2022 10:08

Сурет: pixabay

Боом шатқалы көліктердің өтуіне толықтай ашық. Жол селден тазартылды, деп хабарлайды Zakon.kz.

Оқиға орнына «Қырғызавтожол» мемлекеттік кәсіпорнының арнайы техникасы – автогрейдер, жүк тиегіш, алты самосвал және бір манипулятор жұмылдырылды. «Бішкек-Балықшы-Нарын-Торугарт» тас жолының 151-ші шақырымынан 153-ші шақырымына дейінгі учаске 01:48-де тазартылып, ашылды, деп хабарлады Қырғызстан Көлік және жол министрлігінің баспасөз қызметі.

Еске салайық, 30 шілдеде Қырғызстанда Бішкек-Нарын-Торугарт (Боом шатқалы) жолында сел жүріп өткен болатын. Әңгіме Бішкек-Нарын-Торугарт тас жолының 128-129 шақырымы (Қыз-Күйеу ауылы) туралы болып отыр. Балшық массасы жолды жауып, кептеліс пайда болды. Оқиғаға толассыз жауған жаңбыр себеп болғаны айтылуда.

1 тамызда бір жақты қозғалыс жабылды. Көліктер бір жолақпен екі бағытта жүріп келе жатқан.

Оқи отырыңыз