Сенбі күні жаңбыр жауғанымен, аптап ыстық қалады
Сурет: pixabay
Синоптиктер Қазақстандағы 6 тамызға арналған ауа райы болжамын ұсынды, деп хабарлайды Zakon.kz.
Республиканың оңтүстік жартысы мен шығысында жаңбыр жауады. Күндіз оңтүстік-шығыстың таулы аймақтарында қатты жауын жауады. Күн күркіреп, екпінді жел соғады. Еліміздің басқа өңірінде ауа райы тұрақты, негізінен жауын-шашынсыз болады. Республиканың оңтүстігінде бұрқасын, түнде және таңертең солтүстікті тұман басады.«Қазгидромет» РМК
Жамбыл облысының таулы аймақтарында күндіз қатты жаңбыр жауады.
Атырау және Жетісу облыстарында күндіз қатты ыстық болады.
Қызылорданың басым бөлігінде, оңтүстікте, Түркістанның шығысында, Атырау облысының солтүстігінде төтенше өрт қаупі сақталады.
Нұр-Сұлтанда көшпелі бұлтты, жауын-шашынсыз ауа райы болжанды. Солтүстік-шығыстан екпіні 9-14 м/с болатын жел соғады. Ауа температурасы түнде +12...+14°С, күндіз +27...+29°С.
Алматыда көшпелі бұлт шығады, жауын-шашынсыз. Солтүстік-шығыстан екпіні 3-8 м/с жел соғады. Ауа температурасы түнде +18...+20°С, күндіз +30...+32°С.
Шымкентте көшпелі бұлт шығады, жауын-шашынсыз. Солтүстік-батыстан екпіні 8-13 м/с жел соғады. Ауа температурасы түнде +19...+21°С, күндіз +33...+35°С.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
