Қазақстан жолбарыстарды Орталық Азияға қайтарады
Сурет: pixabay
Бейнеконференция барысында Қазақстан президенті Қасым-Жомарт Тоқаев әңгіме Тұран жолбарысы туралы болып жатқанын түсіндірді.
Кейінгі үлгілер өткен ғасырдың 30-жылдарында көрінді. Ұлы Отан соғысы басталғанға дейін Қазақстан территориясынан дала жолбарыстары жоғалып кетті. Рас, ертеде олар қылыш тісті болған. Қазір біз Тұран жолбарыстарының популяциясын қалпына келтірудің халықаралық жобасын жасап жатырмыз.Қазақстан президенті Қасым-Жомарт Тоқаев
Бұл жобаға қатысу үшін ресейлік мамандар шақырылды.
Владимир Путин әлемде жолбарыстардың саны 12 жылда 40% артқанын айтты. Ресейдің жолбарыстар қорығында қосымша қорғалатын аймақтар пайда болады.
Тұран жолбарысы Каспий және Закавказ деп те аталады. Ол Түркиядан Батыс Қытайға дейінгі аумақта, соның ішінде Кавказ, Иран және Орталық Азияда өмір сүрді. Олар алып жануар болды. Ересек еркегінің салмағы 170-240 келі, ұзындығы 270-290 см-ге жетті. Ұрғашысы еркегіне қарағанда кішірек.
Былтыр 2024 жылға дейін Қазақстанға қанша жолбарыс әкелу жоспарланатыны туралы мәселе талқыланған еді. Бағдарламада бастапқы популяцияны қалыптастыруға қажет 10-нан 20-ға дейін жануар қарастырылған. Алғашқы жолбарыстар 2024-2025 жылдары пайда болады деді WWF (Дүниежүзілік жабайы табиғат қоры) Орталық Азия бағдарламасының директоры Григорий Мазманянц.
