Синоптиктер еліміз бойынша 20 қыркүйекке арналған ауа райы болжамын ұсынды
Сурет: pixabay
ҚР аумағының басым бөлігі әлі де ауқымды антициклонның ықпалында болады, осыған байланысты жауын-шашынсыз ауа райы сақталады. Атмосфералық фронтталды бөліктердің өтуіне байланысты еліміздің батысында, оңтүстік-шығыстың таулы аудандарында найзағайлы жаңбыр жауады. ҚР бойынша кей жерлерде жел күшейіп, оңтүстікте, оңтүстік-батыста шаңды дауыл тұрады."Қазгидромет" РМК
Қызылорда, Түркістан, Жамбыл облыстарының басым бөлігінде, Қарағанды облысының оңтүстігінде, Ұлытау, Ақтөбе облыстарының шығысында, Алматы облысының солтүстігінде және орталығында, Абай облысының солтүстік-батысында, солтүстігінде, шығысында, Атырау облысының солтүстігінде төтенше өрт қаупі сақталады. Қостанай облысының оңтүстігінде, Павлодар облысының орталығында жоғары өрт қаупі сақталады.
Түнде Ақмола облысының шығысында, орталығында, Қарағанды облысының солтүстігінде және шығысында, Шығыс Қазақстан облысының солтүстік-шығысында, Абай облысының батысында 1-3 градус үсік сақталады. "Қазгидромет" РМК
Астанада көшпелі бұлт шығады, жауын-шашынсыз. Шығыстан жел соғады, күші 2-7 м/с болады. Ауаның температурасы түнде 6-8 градус, күндіз 23-25 градус жылы.
Алматы қаласында көшпелі бұлт шығады, жауын-шашынсыз. Жел 2-7 м/с болады. Ауаның температурасы түнде 13-15, күндіз 27-29 градус жылы.
Шымкент қаласы: аздаған бұлтты, жауын-шашынсыз. Шығыстан жел соғады, күші 8-13 м/с болады. Ауаның температурасы түнде 14-16, күндіз 30-32 градус жылы.
