Қазақстанның солтүстік, шығыс және орталық өңірлерінде қар жаууы ықтимал

Сурет: Zakon.kz

Синоптиктер 28 қыркүйекке арналған ауа райы болжамын ұсынды. Кей өңірде қар аралас жаңбыр жауып, қатты жел тұруы мүмкін, одан бөлек тұман түсіп, көктайғақ болатыны да болжанады, деп хабарлайды Zakon.kz.

"Қазгидромет" РМК мәліметінше, еліміздің солтүстігінде, шығысында, сондай-ақ оңтүстік-шығысында жауын-шашын (қар аралас жаңбыр) түсіп, батысында және оңтүстік-шығысында жаңбыр жауады.

Қазақстанның қалған бөлігі антициклоннан тыс аймақта болады, осыған байланысты жауын-шашынсыз ауа райы күтіледі. Республика бойынша кей жерлерде желдің күшейіп, батыс өңірде найзағайдың ойнап, шаңды дауыл соғады, ал солтүстікте тұман түсіп, көктайғақ болады деп күтіледі, делінген хабарламада.

Болжамға сәйкес, күндіз Шығыс Қазақстан облысының солтүстігінде, шығысында қатты жауын-шашын (қар аралас жаңбыр) болуы ықтимал.