Қаржы министрі елордалық супермаркетте бағаны рубльмен көрсету оқиғасына пікір білдірді

ҚР премьер-министрінің орынбасары - Қаржы министрі Ерұлан Жамаубаев астаналық супермаркеттердің біріндегі азық-түлік бағасы рубльмен көрсетілген жағдайға қатысты пікір білдірді, деп хабарлайды Zakon.kz.

Вице-премьер бұл супермаркет қызметкерлерінің қатесі болуы мүмкін екенін айтты.

Ұлттық валютамыз – теңге. Барлық баға белгілері ұлттық валютада көрсетілуі керек. Егер мұндай фактілер болса, бұл заңсыз, - деді Ерұлан Жамаубаев үкімет кулуарында.

Қаржы министрі мұндай фактілердің жолын кесу керек екенін, оның ішінде дүкен қызметкерлерін жазалау керек екенін айтты.