Қаңтар оқиғасына қатысқандардың қаншасына рақымшылық жасалады

Мәжіліс кулуарында ҚР Бас прокурорының орынбасары Әсет Шындалиев қаңтар оқиғасына қатысқандардың қаншауы рақымшылыққа іліккенін айтты, деп хабарлайды Zakon.kz тілшісі.

Шамамен 1500 адам. Бірақ қазір бізде қылмыстық қудалау орбитасында 1600-ге жуық адам бар екенін есте ұстаған жөн. Яғни, көпшілігін қосамыз (рақымшылыққа енгіземіз. – ред.). Қазақстан Республикасы Бас прокурорының орынбасары Әсет Шындалив

Оның айтуынша, рақымшылыққа негізінен жаппай тәртіпсіздікке, ұрлық пен басқа да қылмыстарға қатысты баптарға қатысы барлар ілігеді.

Бұл жай ғана арандатушылыққа бой алдырған азаматтарымыз, - деді Әсет Шындалиев.

1 қыркүйекте мемлекет басшысы Қасым-Жомарт Тоқаев Жолдауында қаңтар оқиғасына қатысушыларға рақымшылық жариялады. Бұл ретте ол бүлікті ұйымдастырғандар мен мемлекетке сатқындық жасағандар бұл рақымшылыққа ілінбейтінін айтты.