Қазақстанның оңтүстігі мен батысында жауын-шашынды ауа райы сақталады

"Қазгидромет" синоптиктері Қазақстанда 24 қазанға арналған ауа райы болжамын ұсынды, деп хабарлайды Zakon.kz.

Қазақстанның басым бөлігіндегі ауа райы батыстан ойысып жеткен антициклонға байланысты қалыптасады, алда жауын-шашынсыз ауа-райы күтіледі.

Еліміздің батыс, оңтүстік және оңтүстік-шығыс аймақтары фронтальды бөліктердің ықпалында болады. Осыған байланысты бұл өңірлерде жаңбыр жауады деп күтіледі.

Қазақстанның оңтүстік және оңтүстік-шығысындағы таулы аудандарда жаңбыр мен қар түрінде жауын-шашын болады деп болжанады.

Республикамыз бойынша кей өңірлерде жел күшейіп, тұман түсіп, көктайғақтың орын алатыны ескертілді.