SCAT әуе компаниясы Алматы – Пхукет рейсінің кешігу себебін түсіндірді

Әлеуметтік желіде Алматыдан Пхукетке ұшатын рейстің кешіккені туралы ақпарат тарады. SCAT авиакомпаниясы оқиғаға түсініктеме беріп, жаңа ұшу күнін жариялады, деп хабарлайды Zakon.kz.

Ұшақ кеше түнгі сағат 02:30-да ұшып шығуы керек еді. Таңертең "рейс 14:00-ге шегерілді" деген ақпарат келді. Жолаушылар тіркеуден өтіп, жүгін тапсырып қойғанымен, ұшы алмады.

Алматы – Пхукет рейсі Үндістан аумағы арқылы ұшуға рұқсат беретін құжаттардың кешігуіне және Пхукет әуежайының уақытша жабылуына байланысты кейінге қалдырылды. Ұшу Астана уақытымен 00:00-де болады. Басқа қаладан келген жолаушылар қонақүймен қамтамасыз етілді. Әуе компаниясы келтірілген қолайсыздық үшін жолаушылардан кешірім сұрайды, – делінген хабарламада.