Қазақстанда коронавирусқа шалдығушылар саны күннен күнге артып барады

Қазақстанда бір тәулікте 94 адамнан коронавирус анықталды. Науқастар жайлы деректерді ҚР Денсаулық сақтау министрлігі ұсынды, деп хабарлайды Zakon.kz.

18 қарашада елімізде КВИ-ге шалдыққан 83 науқас және пневмония белгілері бар алты адам анықталды. Екі күн 72 адамнан коронавирус инфекциясы тіркелген еді.

19 қарашадағы мәлімет бойынша, елімізде 786 адам коронавирус инфекциясынан (–615+ және 171 КВИ-) емделіп жатыр, олардың ішінде 112-сі стационарда, 674 науқас амбулаториялық деңгейде ем қабылдауда.

КВИ+, КВИ- шалдыққандардың арасында:

• 7 адамның жағдайы ауыр,

• 2 адамның жағдайы өте ауыр,

• 2 науқас ӨЖЖ аппаратында жатыр.