Ауыл тұрғындарына табысын арттыру үшін шағын несиелер беріледі
Сурет: unsplash
Ауыл шаруашылығы министрлігі "2023 жылға ауыл тұрғындарының табысын арттыру бойынша жобаны кеңінен тарату үшін ауыл тұрғындарына микрокредиттер берудің негізгі шарттарын бекіту туралы" үкімет қаулысының жобасын дайындады, деп хабарлайды Zakon.kz.
Осы мақсатқа республикалық бюджеттен 52 млрд 396 млн 965 мың теңге бөлу жоспарланып отыр.
Бұл қаражат қарыз алушыларға 2023 жылға ауыл тұрғындарының табысын арттыру бойынша жобаны кеңінен тарату үшін ауыл тұрғындарына микрокредиттер беру үшін облыстық бюджеттерге кредит беруге 10 жыл мерзімге 0,01 % сыйақы мөлшерлемесі бойынша беріледі.
Бюджеттік кредитті игеру кезеңі - 6 ай және бюджеттік кредит қаражаты кредит берушінің шотынан аударылған сәттен бастап есептеледі.
Негізгі борышты төлеуді бастау күні жасалған кредиттік шарттарға қоса берілетін өтеу графигіне сәйкес жасау жоспарланып отыр.
Құжат 19 желтоқсанға дейін Ашық НҚА сайтына орналастырылған.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
