Атырауда көлігімен дрифт жасаған жүргізуші әкімшілік жауапқа тартылды
Сурет: видеодан скриншот
Атырауда Mercedes көлігінің жүргізушісі әуежайдың көлік тұрағында дрифт жасағаны үшін әкімшілік жауапкершілікке тартылды, деп хабарлайды Zakon.kz.
Облыстық полиция департаментінің мәліметінше, оқиға 5 желтоқсан күні сағат 23:38 шамасында Атырау әуежайының автотұрағында болған. Бұл жағдайды жедел басқару орталығының қызметкерлері байқап қалған.
"Ол жерге патрульдік полиция қызметкерлері жіберілді. Тексеру барысында 2002 жылы туған көлік жүргізушісі анықталып, оған үстінен ҚР ӘҚБтК-нің 595-бабының 1-бөлігі (Маневр жасау ережесін бұзу) бойынша әкімшілік хаттама толтырылды және 15 315 теңге көлемінде айыппұл салынды". Атырау облысы полиция департаментінің баспасөз қызметі
Полиция қызметкерлері жол қозғалысы ережелерін сақтау керек екенін ескертті.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
