Алматы – Сиань бағытында әуе рейсі ашылады

Қытай әуе компаниясы Алматы – Сиань бағыты бойынша тұрақты жолаушылар рейсін ашуды жоспарлап отыр. Бұл жөнінде ҚР ИИДМ Азаматтық авиация комитеті мәлім етті, деп хабарлайды Zakon.kz.

Комитет өкілдерінің хабарлауынша, бұл бағытта ұшақ жұма күндері аптасына 1 рейс жиілігімен ұшады. Жолаушылар тасымалы Б-738 үлгісіндегі әуе кемелерімен орындалады. Алғашқы рейс 23 желтоқсанда басталады.

"Бұл рейстің ашылуы екі ел арасындағы сауда-экономикалық, инвестициялық, туристік және мәдени ынтымақтастықтың дамуына оң әсер етеді" – дейді Азаматтық авиация комитеті өкілдері.