Шымкент пен еліміздің 11 өңірінде қолайсыз ауа райына байланысты ескерту жарияланды
Сурет: pexels
"Қазгидромет" РМК мәліметінше, 30 желтоқсанда түстен кейін Қызылорда облысының басым бөлігінде және Қызылордада жауын-шашын (қар, жаңбыр) болады деп күтіледі. Облыстың орталығында, солтүстігінде тұман, көктайғақ болады.
Қарағанды облысының оңтүстігі мен шығысында тұман, көктайғақ болады деп күтіледі, облыстың солтүстігінде боран ұйытқып, қар жолдарды басып қалуы мүмкін.
30-31 желтоқсанда түнде және таңертең Жамбыл облысының оңтүстігінде, таулы аудандарында тұман, көктайғақ болады деп күтіледі. 30-31 желтоқсанда облыстың оңтүстік-батысында, таулы аудандарда оңтүстік батыстан соққан желдің екпіні 15-20 м/с дейін жетеді. Таразда 30-31 желтоқсанда таңертең және түнде тұман, көктайғақ болады деп болжанады. "Қазгидромет" РМК
30 желтоқсанға қараған түні Маңғыстау облысының батысында, солтүстік-шығысында тұман түсіп, көктайғақ болады. Ақтауда да көктайғақ болатыны болжанады.
Ақмола облысының батысында, солтүстігінде, оңтүстігінде боран ұйытқып, қар көшеді. Облыстың солтүстік-шығысында тұман болады. Солтүстік Қазақстан облысының оңтүстік-батысында, батысында боран ұйытқып, қар бұрқасындайды. Облыстың батысында, солтүстігінде, сондай-ақ Петропавлда тұман байқалады.
Түнде Батыс Қазақстан облысының солтүстігінде, шығысында, күндіз облыстың солтүстік жартысында көктайғақ болады деп болжанады. Облыстың батысында, солтүстігінде, шығысында тұман түседі деп күтіледі. 30 желтоқсанда Орал қаласында - көктайғақ, тұман.
Павлодар облысының солтүстігінде, шығысында және Павлодар қаласында тұман болады деп күтіледі. Жетісу облысының солтүстігінде, орталығында, таулы аудандарында тұман мен көктайғақ тіркеледі.
Түркістан облысының оңтүстігінде, батысында, таулы аудандары мен тау бөктерінде тұман, көктайғақ болады деп күтіледі. Шымкент пен Түркістанда оңтүстік-батыстан соққан желдің екпіні 15-20 м/с жетеді, ал тау асуларын тұман басады. "Қазгидромет" РМК
Қостанай облысының басым бөлігінде қар жауады. Облыстың оңтүстігінде қарлы боран болады. Облыстың солтүстігінде тұман болады.
