Алтайда құтқарушылар өрт кезінде 6 адамды эвакуациялады

Алтай қаласында құтқарушылар өрт кезінде 6 адамды эвакуациялады, сурет - Zakon.kz жаңалық 15.01.2023 12:24

Сурет: Шығыс Қазақстан облысы ТЖД баспасөз қызметі

Шығыс Қазақстан облысы Алтай қаласының Матросов көшесінде екі қабатты тұрғын үйде өрт шықты. Құтқарушылар 6 адамды эвакуациялады, деп хабарлайды Zakon.kz.

Екінші қабатта орналасқан пәтердің зал бөлмесінде жеке заттар, жиһаздар, төбенің ағаш конструкциялары жанып кетті. Өрт сөндірушілер түтіннен қорғау қызметінің буынын құрды, ол түтін үй-жайына еніп, 6 адамды, оның ішінде 2 баланы эвакуациялады.

Өрт 9 шаршы метр алаңда сөндірілді. Барлығы 3 бірлік техника және жеке құрамнан 7 адам жұмылдырылды. Өрттің алдын ала себебі - мас күйінде темекі шегу кезіндегі абайсыздық.

Шығыс Қазақстан облысы төтенше жағдайлар департаменті азаматтарға өрт қауіпсіздігі ережелерін қатаң сақтауды ескертті.

"Тұтанып тұрған папиростың максимал температурасы 300-420° аралығында, жану ұзақтығы 4-8 минут. Темекі жарты сағат бойы бықсуы мүмкін, сол кездегі оның температурасы 310-320° болады. Одан кейін ол сөнеді, бірақ бұған дейін ол түскен материалдың тұтанып кетуіне себепші болуы мүмкін. 1-4 сағат ішінде жаңа жану ошағы (материалдың қасиеттеріне және жылу беру жағдайларына байланысты) өртке айналуы мүмкін", - деді ШҚО ТЖД өкілі Нұржан Өміржанов.

Оқи отырыңыз