Еліміздің 5 өңірінде қолайсыз ауа райына байланысты дауылды ескерту жарияланды

"Қазгидромет" РМК синоптиктері 14 ақпанда еліміздің 5 өңірінде қолайсыз ауа райына байланысты дауылды ескерту жариялады, деп хабарлайды Zakon.kz.

Қызылорда облысында тұман, көктайғақ болады. Жел шығыстан оңтүстік-батысқа ауысып соғады, облыстың орталығында күндіз күші 15-20 м/с-ке жетеді. 

Ақтөбе облысында тұман, күндіз жаяу бұрқасын болады. Оңтүстік-шығыстан жел соғады, күндіз облыстың оңтүстігінде, орталығында екпіні - 15-20 м/с.

Атырау облысында тұман, көктайғақ, жаяу бұрқасын болады. Солтүтік-батыстан оңтүстік-батысқа ауысып жел соғады, күндіз облыстың батысында, оңтүстік-шығысында - 15-20 м/с.

Маңғыстау облысында жаяу бұрқасын, көктайғақ болады. Солтүстік-батыстан, батыстан жел соғады, облыстың батысында, оңтүстігінде, солтүстік-шығысында екпіні - 15-20, түнде облыстың батысында кей уақытта 25 м/с. 

Батыс Қазақстан облысында көктайғақ, бұрқасын болады. Жел оңтүстік-батыстан оңтүстік-шығысқа ауысып соғады, облыстың оңтүстік-батысында екпіні 15-20 м/с-ке жетеді.