2022 жылы Қазақстанда тұрғын үйлер бұрынғыдан аз салынған

Сурет: Zakon.kz

Қазақстанда өткен жылы пайдалануға берілген тұрғын үй көлемі 2021 жылмен салыстырғанда 8,8% қысқарды. Мысалы, 2022 жылдың қаңтар-желтоқсан айларында пайдалануға берілген тұрғын үйлердің жалпы ауданы - 15,4 млн. шаршы метр, деп хабарлайды Zakon.kz.

Ұлттық статистика бюросының мәліметінше, тұрғын үйлерді пайдалануға берудің төмендеуі Алматыда 34,6%, Ұлытау облысында 29,6%, Астанада 24,7% тіркелді.

Пайдалануға берудің республикалық көлемінде үлес салмағы бойынша республикалық маңызы бар қалалар алдыңғы орында. Барлық пайдалануға берілген тұрғын үйлердің 15,4%-ы Астанаға, 11,2%-ы Алматыға, 8,1%-ы өңірлерден Ақтөбе облысына тиесілі.

Тұрғын үйлердің жалпы санынан:

1540 көппәтерлі тұрғын үй (жалпы ауданы – 8 843,9 мың м², 8,5% азайды);
36 365 жеке тұрғын үй (жалпы ауданы – 6 499,8 мың м², 7,4% азайды)

2022 жылғы қаңтар-желтоқсандағы жалпы тұрғын үй алаңының 1 м² үшін орташа нақты құрылыс құны 12,2% өсті.

10 ақпанда Қазақстанда тұрғын үйді сатып алу-сату мәмілелерінің азайғаны белгілі болды. Бір бөлмелі пәтер қазақстандықтар арасында 2022 жылдың желтоқсанында сұранысқа ие болды.

Оқи отырыңыз