Ағын суды өзенге ағызғаны үшін "Қарағанды суға" 5,5 миллион теңге айыппұл салынды
Сурет: pixabay
Санитариялық-эпидемиологиялық бақылау комитеті Қарағанды қаласының Бұқпа өзеніне ағынды сулардың төгілу мәселесі бойынша ресми хабарлама жасады, деп мәлімдейді Zakon.kz.
Қарағанды қаласы Қазыбек би атындағы ауданының СЭБ басқармасы "Қарағанды Су" ЖШС-ға жоспардан тыс тексеру жүргізді.
"Тексеру барысында Кіші Бұқпа өзенінде ағынды сулардың төгілу фактісі расталды, осы ауданның сызбасын зерделеу кезінде "Қарағанды Су" ЖШС-ның су құбыры және кәріз желілерінің қиылысуы анықталмады. Басқарма мамандары су ағызу ауданындағы жақын маңдағы объектілерге барып, кәсіпкерлермен жұқпалы аурулардың алдын алу бойынша санитариялық-ағарту жұмыстарын жүргізді".Санитариялық-эпидемиологиялық бақылау комитетінің баспасөз қызметі
Жүргізілген жоспардан тыс тексеру нәтижелері бойынша "Қарағанды Су" ЖШС-ға қатысты әкімшілік құқық бұзушылық туралы хаттама ҚР ӘҚБтК-нің 425-бабының 1-бөлігінде ағынды суларды ағызғаны және апатты жою жоспарының болмағаны үшін 1600 АЕК (5 520 000 теңге. – ред.) мөлшерінде айыппұл салынды.
"Қарағанды Су" ЖШС басшылығына нақты іс-шараларды және оны орындау мерзімдерін айқындай отырып, бұзушылықтарды жою туралы нұсқама дайындалып, табыс етілді.
Қазіргі уақытта "Қарағанды Су" ЖШС №10 кәріз коллекторындағы апатты жою бойынша жұмыс жүргізіп жатыр.
"Осы мәселенің ерекше маңызын ескере отырып, қалыптасқан жағдайдағы проблемаларды шешу және шаралар қабылдау үшін Қарағанды қаласы әкімінің аппаратына және облыстың Экология департаментіне ақпарат жіберілді, себебі бұл жағдай ішек инфекцияларының және паразиттік аурулардың туындауына әкелуі мүмкін".Санитариялық-эпидемиологиялық бақылау комитетінің баспасөз қызметі
Мәселе Қарағанды облысының санэпидбақылау департаментінің бақылауында.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
