Маңғыстау облысындағы бір ауылдың тұрғындары сусыз қалды

Сурет: Zakon.kz

Коммуналдық мекеменің тұщытқыш зауытына берешегі болғандықтан Атамекен ауылына су беру тоқтатылды, деп хабарлайды Zakon.kz.

Облыстағы ең тығыз қоныстанған Мұнайлы ауданында 190 мың адам тұрады. Барлық ауыл тұрғынын сумен қамтамасыз ету үшін күніне 35 мың текше метр су қажет. Қазір тұщытқыш қондырғы үш есе аз өнім береді. Бұл туралы AlmatyTV хабарлады.

"Маңғыстау жылу" мекемесі халықты сумен қамтамасыз етіп отыр. Қазір олардың бізге 652 миллион теңге қарызы бар. Соған қарамастан зауыт жұмысын жалғастырып, жұмысын бір күн де тоқтатқан жоқ".Тұщытқыш зауыттың директоры Нұрлыбай Аққұлов

Ауданның коммуналдық қызметтері де инженерлік желілердің жартысы істен шыққанын хабарлайды.

"Кейінгі уақытта Каспий тұщыту қондырғысынан келетін судың жеткіліксіздігінен жұмыс кестеден ауытқыды. Тәулігіне 5-6 мың текше метр су беріледі. Суды құбыр арқылы беру үшін кемінде 2 мың текше метр су қажет болады"."Маңғыстау Жылу" ЖШС директоры Жасұлан Мұхамбетқалиев

Суды жеткізуші компания алдағы күндері су беруді жалғастыруға уәде беріп отыр. Әзірше ауыл тұрғындары суды сатып алуға мәжбүр. Суды су тасушылардан алып жүр, оған 27 автокөлік бөлінген.

Қаңтар айының ортасында Маңғыстау облысы Мұнайлы ауданының тұрғындары сусыз қалды. Аяздан су алатын арна қатып қалған.

Оқи отырыңыз