Астанадағы көпқабатты үйдің лифтісінде балалар қалып қойды

лифт, сурет - Zakon.kz жаңалық 07.04.2023 00:19

Сурет: pixabay

Астанадағы көпқабатты үйдің тұрғындары ыстық сусыз отыр, тіпті жылуды да ерте ажыратып тастапты. Тұрғындар үйдің іші суық деп отыр, ал бұл үйдің пайдалануға берілгеніне бір жыл да болмаған екен, деп хабарлайды Zakon.kz "Астана" телеарнасына сілтеме жасап.

Тұрғындардың айтуынша, лифт күніне 10-15 рет тоқтап тұратын көрінеді.

"Неше рет қайталанды. 9-қабатта тұрамыз. Мына лифтіге міну қорқынышты. Менің балаларым сабаққа барады, лифт түсіп кетті ме, әлде тоқтап қалды ма деп аңдып отырамын. Келіп жөндейді, білмеймін, артынша бұзылып қалады. Шаршадық". Тұрғын Ләззат

Тұрғындар құрылыс компаниясына да барған. Ал компания өкілі су мен жылу мәселесінің бүгін шешілетінін айтты.

"Бүгін жылы суды, жылуды қосады . Мен айтып кеттім, қайталап өтейін. Біздікілер "учаске бастығы ауысқан" дейді. Сол білместен өшіріп кеткен. Лифтіні ауыстыруға бердік. Ауыстырылады". Құрылыс компаниясының өкілі

Оқи отырыңыз