Алматы облысында саңырауқұлақ теруге шығып жоғалған әйел табылды
Сурет: Алматы облысы ТЖД баспасөз қызметі
2023 жылғы 15 сәуірде сағат 20.30-да Алматы облысы төтенше жағдайлар департаментінің кезекші бөліміне Балқаш ауданы Тасмұрын асуы маңындағы Малайсары ауылының маңында таулы жерде 1962 жылы туған әйел жоғалып кеткені туралы хабарлама келіп түсті.
Ол күндіз туыстарымен бірге саңырауқұлақ теруге келген (бір ер, екі әйел, екі ит). Сағат 20.00-де әйел адам осы жерге келіп жеткен көлікке оралмады. Іздестіру жұмыстарына дереу құтқарушылар жіберілді.
Іздестіру-құтқару жұмыстарына төтенше жағдайлар департаментінен 10 қызметкер мен екі бірлік техника, Республикалық-жедел-құтқару жасағынан 12 құтқарушы, екі бірлік техника және бір кинологиялық есеп, полиция департаментінен 8 қызметкер мен үш бірлік техника жұмылдырылды.
Әйел адамның адасып, кері жол таба алмағаны кейін белгілі болды.
Бүгін, 16 сәуірде сағат 06:50-де іздестіру тобы жоғалған адамды тапты. Оған медициналық көмек қажет болмаған.
Оқи отырыңыз
