Президенттің атына жазылған арыз-шағымдардың саны үш жылда екі есе өскен

Президент, президент атына арыз, президентке хат, арыз-шағым, ҚР Президенті әкімшілігі, сурет - Zakon.kz жаңалық 19.04.2023 13:17

Сурет: pixabay

Президент Қасым-Жомарт Тоқаев еліміздің әлеуметтік-экономикалық дамуы жөніндегі кеңесте әрбір аймақтың өз ерекшелігі және "әлсіз тұстары" бар екенін айтты, деп хабарлайды Zakon.kz.

Оның сөзінше, өкінішке қарай, әкімдер соны біле тұра, алдағы қиындықтарды уақтылы бағамдай алмайды. Жауапкершілікті өзіне алып, дер кезінде шешім қабылдаудан қашады.

"Жаңа жылдан бері Президент Әкімшілігінің қоғамдық қабылдауында 811 адам болды. Соның 730-ын кестеден тыс, яғни табан астында жедел түрде қабылдауға тура келді. Олардың арасында барлық аймақтың тұрғындары бар. Президенттің атына жазылған арыз-шағымдардың саны үш жылда 2 есе өсті".Қасым-Жомарт Тоқаев

Осы орайда Президент Азаматтарды қабылдау орталығы құрылғалы жатқанын атап өтті.

"Бұл орталық мемлекеттік органдардың бірінші басшыларының азаматтармен тікелей байланыс стандартын орнатуға мүмкіндік береді. Әкімдер жергілікті жерлерде де осындай жұмыстар жүргізуге тиіс". Қасым-Жомарт Тоқаев

Ол халықпен коммуникацияның барлық вертикалының сапасы Үкіметке, әдістеме мен бақылау Президент әкімшілігіне жүктелетінін баса айтты.

Оқи отырыңыз