Петропавлда жол ережесін 68 рет бұзған жүргізуші анықталды

Петропавлда Lada Priora автокөлігімен жүріп, 2022 жылғы қарашадан осы жылдың сәуіріне дейін жол қозғалысы ережесін 68 мәрте бұзған жүргізуші анықталды, деп хабарлайды Zakon.kz.

Солтүстік Қазақстан облысының полиция департаментінің хабарлауынша, жүргізуші шетелдік тіркеуде тұрған Lada Priora автокөлігімен жүріп, жарты жылдың ішінде жылдамдықты 68 рет асырып, тоқтау сызығынан өтіп кеткен.

Айыппұлдың жалпы сомасы - 1,5 млн теңге.

35 жастағы шетелдікке қысқартылған тәртіппен 700 мың теңгеден астам ақша төлеуге тура келді.