Екібастұзда ыстық су қашан беріледі

15 мамырдан бастап екібастұздықтарға ыстық су кезең-кезеңмен беріле бастайды. Бұл жөнінде "Экибастузтеплоэнерго" ЖШС 5 мамыр күні мәлімдеді, деп хабарлайды Zakon.kz.

Ыстық судан ажыратылған үйлердің тізімі және оларды ыстық сумен қамтуға болжалды қосу күндері компанияның Instagram аккаунтында жарияланады.

Екібастұз қаласында жылу желілерін тығыздыққа гидравликалық сынау аяқталды.

"Төрт күн бойы барлық магистральді және орамішілік желілер сыналды. Гидравликалық сынаулардың 4 кезеңі нәтижесінде желілердің 269 зақымы (оның ішінде магистральдік құбырларда – 34 және орамішілік құбырларда – 235) анықталды", – делінген компания жариялаған хабарландыруда.

Компания мен мердігер ұйымдардың қызметкерлері анықталған зақымдарды жою жұмыстарына кірісіп кетті.