Қорғаныс вице-министрі қаңтар оқиғасы жайлы: Қарулы күштер өзіне жүктелген міндетті атқарды

Сурет: Zakon.kz

Қорғаныс вице-министрі Сұлтан Камалетдинов Қасым-Жомарт Тоқаевтың жетекшілігімен өткен Бүкілармиялық кеңес кулуарында қаңтар оқиғасы кезінде Қазақстан қарулы күштері өз міндетін орындағанын атап өтті, деп хабарлайды Zakon.kz.

Сұлтан Камалетдинов қаңтар оқиғасын түрліше бағалауға болатынын айтты.

"Бірақ қаңтар оқиғасы кезінде қарулы күштер өзіне жүктелген міндеттерді орындады. Ол дегеніміз – мемлекеттік маңызы бар нысандарды, стратегиялық объектілерді қорғауды күшейту. Қарулы күштердің бірде-бір нысаны жоқ басып алынған жоқ. Барлық тапсырмалар орындалды".Сұлтан Камалетдинов

Осы орайда журналистер Қазақстан ҰҚШҰ елдерінен көмек сұрауға мәжбүр болғанын вице-министрдің есіне салып өтті.