Қостанайдағы әлеуметтік жатақхананың бірінде қандала қаптап кеткен

Қандала тарап кетті жатақханада, сурет - Zakon.kz жаңалық 12.05.2023 17:13

Сурет: pixabay

Қостанайдағы әлеуметтік жатақхананың бірінде қандала қаптап кеткен. Тұрғындар бұл зарарсыздандыру жұмыстарының уақытында жүргізілмеуінің салдары дейді.

Зиянкестер жайлаған жатақханада әлеуметтік аз қамтылған топқа жататын 64 отбасы тұрады, деп жазады qazaqstan.tv.

Адам саны 200-ден асады. Олар 4 жылдан бері зиянкестерді жою үшін ешқандай кешенді шара жүргізілмегенін айтады.

"Ешқандай дезинфекция болған жоқ. Қандаланың көптігінен мұнда тұру қиындады. Түрлі зарарсыздандырғыш заттар сатып алып, өз бетімізше күресіп жатырмыз. Бірақ одан нәтиже шамалы." Олеся Горбатовская, жатақхана тұрғыны

Бұл жатақхана қалалық тұрғын үй қатынастары бөліміне қарайды. Мамандар әр тоқсан сайын тиісті шаралар жүргізіледі деп отыр. «Ал қандаланың қаптауына тұрғындардың өздері кінәлі. Мысалы олардың дені бұрын ұсталған ескі жиһаздарды сатып алады. Зиянкестер солармен бірге келеді», - дейді. Кешенді дезинфекция жұмыстарын жүргізу үшін жатақхана тұрғындарын жаппай шығару керек. Ал олардың басқа барар жері, басар тауы жоқ.

"Адамдар өздері кінәлі. Нәрсенің бәрін сырттан әкеледі.Сосын жиналмайды бөлмелері. Коридор, кухня таза болмайды. Неше түрлі тастайды." Меруерт Көпенова, жатақхана коменданты