Ыстық, аяз, бұршақ: 18-20 мамыр күндеріне арналған ауа райы болжамы

Синоптиктердің айтуынша, Қазақстанда 18-20 мамыр күндері жаңбыр жауып, жел соғады, деп хабарлайды Zakon.kz.

"Қазгидромет" РМК мәліметінше, еліміздің басым бөлігінде ауа райы оңтүстік циклон және онымен байланысты атмосфералық фронтальды учаскелердің әсерінен өзгереді. Найзағай ойнап, бұршақ жаууы мүмкін.

"18-20 мамырда солтүстік-батыста және орталықта, 18-19 мамырда оңтүстікте, 18-20 мамырда республиканың оңтүстік-шығысында қатты жаңбыр жауады. Сонымен қатар жел соғады деп болжанды", - деді синоптиктер.

Қазақстанда ауа температурасы жоғары болады деген болжам бар. Республиканың солтүстігінде, шығысында және орталығында түнде -3 градусқа дейін аяз сақталады.