Жамбыл облысының тұрғыны Ұлытау облысында заңсыз алтын өндірген

алтын, полиция, сурет - Zakon.kz жаңалық 16.06.2023 01:28

Сурет: polisia.kz

Ұлытау облыстық полиция департаменті ұйымдасқан қылмысқа қарсы күрес басқармасының қызметкерлері арнайы операция нәтижесінде Жаңаарқа ауданында заңсыз алтын өндірумен айналысқан қылмыстық топтың қызметін тоқтатты, деп хабарлайды Zakon.kz polisia.kz-ке сілтеме жасап.

Оқиға орнынан 23 адам ұсталып, оның ішінде Жамбыл облысының 29 жастағы тұрғыны жерасты “кәсіпорнын” ұйымдастырушы екені белгілі болды. Күдіктілер құрамында алтын бар кенді ашық игеруден алған, содан кейін оны ұсақтап, жуған. Оқиға орнынан полицейлер грамдық таразыны, ұсатқыш станокты, құрамында алтын бар 2 тоннадан астам кенді, шамамен 70 грамм алтынды тәркіледі.

полиция, сурет - Zakon.kz жаңалық 16.06.2023 01:28

Сурет: polisia.kz

Сондай-ақ арнайы техниканың 7 бірлігі – жүк көліктері, самосвалдар, экскаватор алынды. Сонымен қатар жауынгерлік патрондармен ату үшін қайта жасалған тапанша тәркіленді.

ҚР ҚК-нің 295-1-бабы (Археологиялық жұмыстарды заңсыз жүргізу), ҚР ҚК-нің 287-бабы (Қаруды, оқ-дәрiлердi, жарылғыш заттарды және жарылыс құрылғыларын заңсыз иемдену, беру, өткiзу, сақтау, тасымалдау немесе алып жүру) және ҚР ҚК-нің 288-бабы (Салық салынатын кірісті азайту) бойынша сотқа дейінгі тергеу басталды. Тергеу әрекеттері жүргізіліп жатыр, олардың нәтижелері бойынша процессуалдық шешім қабылданады.