Министр: Астанадағы өртті сөндіруге екі апта кетуі мүмкін

министр, сурет - Zakon.kz жаңалық 20.06.2023 18:39

Сурет: gov.kz

20 маусымда ҚР Төтенше жағдайлар министрі Сырым Шәріпханов Астанадағы өртті сөндіруге қанша уақыт кететінін айтты, деп хабарлайды Zakon.kz.

Оның айтуынша, Қорғалжың тас жолы мен Қосшыға баратын айналма жол арасында шыққан өрт бойынша қазіргі ахуал тұрақты.

"Бір-екі апта кетуі мүмкін. Мұның бәрі сыртқы факторларға, әрине, біздің бөлімшелердің жұмысына және жауын-шашынға байланысты... Өрт қайта басталуы мүмкін. Ұшқын пайда болуы мүмкін. Қазір онда 200-ге жуық адам жұмыс істейді. Олар ауысыммен жұмыс істейді. Екі тікұшақ жұмылдырылған, - деді Сырым Шәріпханов.

Министрдің сөзінше, өрттің одан әрі тарауына негізі себебі - жел.

"Жалын мен түтінді өршіткені сонша, оны сумен сөндіру мүмкін емес болды. Онда өрт сөндірушілер мен техниканың саны жеткілікті", - деді ведомство басшысы.

Оқи отырыңыз