Алматыдағы Есентай өзені үстінен өтетін көпір сегіз жолаққа дейін кеңейтіледі

Көпір, сурет - Zakon.kz жаңалық 11.07.2023 20:02

Сурет: Алматы қалалық әкімдігі

Алматыда Есентай өзенінің үстінен өтетін көпір кеңейтіліп, жолдың қос тарапына бір жолақтан қосылады. Бұл туралы журналистерге Алматы қалалық мобильділік басқармасының басшысы Сағындық Телібаев айтты, деп хабарлайды Zakon.kz.

Қайта жаңғырту жұмыстарына кіріспестен бұрын, 2022 жылы мамандар бұл арада тексеру жүргізген. Осылайша көпір құрылысының апатты жағдайда екені анықталды.

"Діңгек 15 см-ға майысқан. Көпірде барлығы 96 діңгек бар. Бүгінде оның 27-сі ауыстырылды. Жалпы, қайта жаңғырту жұмыстары үш кезеңнен тұрады. Қазір төселген қабатты тегістеу жұмыстары жүргізіліп жатыр. Одан кейін гидрооқшаулағыш қабатқа кіріседі. Одан кейін асфальт төселеді". Алматы қалалық мобильділік басқармасының басшысы Сағындық Телібаев

Сурет: Zakon.kz

Қайта жаңғырту жұмыстары аясында көпірдегі жолақтар саны алтыдан сегізге дейін: екі бағытта төртке дейін ұлғайтылатын болады. Бұған жаяу жүргіншілер мен велосипедшілерге арналған жеке көпір құрылымдарын салу арқылы қол жеткізуге болады.

Көпірді қайта жаңғырту жұмыстарын 1 қыркүйекке дейін аяқтау жоспарланған.