Қазақстанда ыстықтың беті қашан қайтады

Қазақстан, ауа райы болжамы, жаңбыр, найзағай, аптап ыстық, сурет - Zakon.kz жаңалық 14.07.2023 12:17

Сурет: pixabay

"Қазгидромет" РМК Қазақстан бойынша 2023 жылғы 15-17 шілдеге арналған ауа райы болжамын жариялады. Синоптиктердің мәліметінше, еліміздің басым бөлігінде жаңбыр жауады, деп хабарлайды Zakon.kz.

Синоптиктер алдағы күндері елімізде Қара теңіз аймақтарынан циклон пайда болатынын мәлімдеді. Қазақстанның басым бөлігінде күн жауын-шашынды болады.

Сондай-ақ найзағай ойнап, бұршақ жаууы және екпінді жел тұруы мүмкін.

Республиканың батысында, солтүстік-батысында және солтүстігінде кей жерлерде қатты жаңбыр жауады.

"Қазақстанның солтүстігінде күндізгі температураның қысқа мерзімді төмендеуінен кейін ауа температурасы 20+25-тен 25+33-ке дейін көтеріледі деп болжанды. Солтүстік-батыста +18+30-дан 25+33-ке дейін, орталықта 25+33-тен 32+39-ға дейін, оңтүстікте 25+35-тен 35+42-ге дейін, ал республиканың батысында температура +22+35, шығыста +27+ 35 болады" . "Қазгидромет" РМК баспасөз қызметі

Болжам бойынша, республиканың оңтүстік-шығысында температура фонында өзгеріс болмайды.

Оқи отырыңыз