Атырауда республикалық "Жолда қабылдау" акциясы өтуде

Ағымдағы жылдың 14-15 шілде күндері "Жолда қабылдау" республикалық акциясы өткізілуде.

Акцияның негізгі мақсаты халық арасында құқықтық түсіндіру жұмыстарын жүргізу, қоғамдық және жол қауіпсіздіктерін қамтамасыз ету мәселесі бойынша тұрғындарды ақпараттандыруға және құқықтық білімдерін жетілдіруге, сондай-ақ көші-қон заңнамасын түсіндіру.

Сурет: Атырау облысы әкімдігінің баспасөз қызметі

Акция барысында 200-ге жуық тұрғындарға түсіндірме жұмыстары жүргізіліп, қала тұрғындарынан 37 ұсыныс-пікірлер келіп түсті.

Сурет: Атырау облысы әкімдігінің баспасөз қызметі

Қазір қала аумағындағы тұрғындардан келіп түскен ұсыныстардың басым бөлігі жол белгілерін орнату мен шетелдік автокөліктерді уақытша тіркеуге қатысты сауалдар. Барлық сұрақтарға полиция қызметкерлері мен жергілікті атқарушы органдар бірлесіп жауап берудеміз - деді, Атырау қаласы полция басқармасы патрульдік полиция батальоны командирінің орынбасары Ерсін Қожахметов.

Сурет: Атырау облысы әкімдігінің баспасөз қызметі