Астанада Республика даңғылындағы жолдың бір бөлігі 20 тамызға дейін жабылады

30 шілдеде Астанада Республика даңғылындағы жол бөлігінде жөндеу жұмыстары басталады, деп хабарлайды Zakon.kz.

Осыған байланысты осы жылдың 30 шілдесі мен 20 тамызы аралығында Тәшенов көшесінен Имановқа дейінгі учаскеде көліктердің қозғалысы толығымен жабылады.

Сурет: Telegram/myastanacity

Көлік және жол-көлік инфрақұрылымын дамыту басқармасы келтірілген қолайсыздықтар үшін кешірім сұрай отырып,елорда тұрғындары мен қонақтарынан қала жолдарында кептеліс тудырмас үшін бағытын алдын ала жоспарлауды сұрайды.

Бұған дейін Алматыда 29-31 шілде аралығында қай көшелерде көлік қозғалысы шектелетіні белгілі болған еді.