Қазақстандықтар тұрмыстағы зорлық-зомбылық туралы жиі хабарлай бастады
Сурет: pexels
Ішкі істер министрлігі Астана полицейлерінің кезекті тұрмыстағы жанжалды шешу үшін күнде түнде бөтен есікті қағуына тура келетінін айтты.
"Хабар 24-тің" хабарлауынша, 1 шілдеден бастап тұрмыстағы зорлық-зомбылық үшін жаза қатайтылды. Әкімшілік кодекске тиісті түзетулер енгізілді. Енді тәртіп сақшылары жәбірленушінің арызынсыз істі бастауға құқылы. Куәгерлердің айғақтары, сонымен қатар бейнетіркегіштің жазбалары жеткілікті. Тараптарды татуластыру талаптары да күшейтілді. Тек бір рет ымыраға келе алады.
"Шілде айында тұрмыстағы зорлық-зомбылық туралы 10 мыңнан астам хабарлама келіп түсті. Сонымен қатар төбелескендердің 92%-ы әкімшілік жауапкершілікке тартылды. Алғаш рет құқық бұзушылық жасағаны үшін не ескерту, не 5-тен 10-ға дейін әкімшілік қамауға алынады. Қайталап бұзған жағдайда 25 тәулікке дейін әкімшілік қамауға алынады.Руслан Қаржаспеков, ҚР ІІМ ҚАП Басқармасының бастығы
Полицейлер отбасыдағы жанжалдардың салдарымен ғана емес, оның себептерімен де күресуге тырысып жатыр. Ол үшін олар қоғамдық ұйымдармен ынтымақтасады, агрессорлармен жұмыс істеуге психологтарды тартады.
"Бұл - бірінші кезекте біздің заңгерлік кеңесіміз. Біз отбасына заңгерлік кеңес береміз, бұл қажет. Психологтар отбасымен психологиялық жұмыс жүргізеді. Отбасы бізге жүгінеді, кейде солай болады. Өйткені полициямен меморандум жасасқан соң олар бізге полиция арқылы жүгінеді".Роза Бекішева, қоғамдық қордың директоры
Мамандар бұл мәселеден хабардар отбасы көп емес екенін және олар қоғам мүшелерімен бірлесе жұмыс істеуге келіспейтінін айтты.
