Қазақ тілін латын графикасына көшіру: Тоқаев Асқар Жұмаділдаевтың ой-пікірін тыңдады
![Тоқаев, сурет - Zakon.kz жаңалық 18.08.2023 18:39](https://kaz.zakon.kz/pbi/WEBP/2023-12-20/file-6db84ff2-a57a-43f7-8922-8d3489b46f87/800x497.webp)
Кездесу барысында Асқар Жұмаділдаев Ұлттық ғылым академиясының соңғы үш айда атқарған жұмыстары туралы баяндап, отандық ғылымды дамытуға қатысты ұсыныстарын жеткізді.
Сонымен қатар академик қазақ тілін латын графикасына көшіру жөнінде ой-пікірін білдірді. Мемлекет басшысы ғалымның айтқан барлық ұсыныстары қарастырылатынын және Үкіметке тиісті тапсырма берілетінін айтты.
Президенттің пікірінше, ғылыми-академиялық қоғамдастық елімізде жаратылыстану, инженерлік-технологиялық бағыттағы іргелі ғылыми орталықтардың пайда болуына, зерттеу жұмыстарын жетілдіруге, еліміздің әлеуметтік-экономикалық дамуына қатысты ғылымға негізделген ұсынымдар беруге ұйытқы болуға тиіс.
![Асқар Жұмаділдаев, сурет - Zakon.kz жаңалық 18.08.2023 18:39](https://kaz.zakon.kz/pbi/WEBP/2023-12-20/file-5a24b1c7-9907-4f3d-a49c-118ef58a8658/800x501.webp)
Сурет: akorda
Қасым-Жомарт Тоқаев академик Асқар Жұмаділдаевтың қоғамдағы абырой-беделі зор екенін атап өтіп, оның Ұлттық ғылым академиясындағы жауапты жұмысына табыс тіледі.