Қазақстанда 1 миллионнан астам азаматтың жәрдемақы мөлшері өсті
Сурет: Zakon.kz
ҚР ЕӘХҚМ баспасөз қызметінің мәліметінше, Әлеуметтік кодексті іске асыру шеңберінде 2023 жылғы 1 шілдеден бастап азаматтардың жекелеген санаттары үшін мемлекеттік әлеуметтік жәрдемақылардың мөлшері, сондай-ақ Мемлекеттік әлеуметтік сақтандыру қорынан еңбекке қабілеттілігінен айырылу және асыраушысынан айырылу жағдайлары бойынша төлемдер 14,5% - ға ұлғайды.
Сонымен қатар, 7 және одан да көп бала туып, тәрбиелеп, марапатталған аналарға берілетін жәрдемақы мөлшері артты. Осылайша, жәрдемақылар мен төлемдердің артуы 1 млн-нан астам азаматты қамтыды.
Мәселен, "Алтын алқа" алқасымен, "Батыр ана" атағы бар, I және II дәрежелі "Ана даңқы" ордендерімен наградталған, яғни 7 және одан да көп бала туып, тәрбиелеген аналарға арналған жәрдемақы мөлшері 6,4-тен 7,4 айлық есептік көрсеткішке дейін ұлғайды. Бұл орташа есеппен 92,2 мыңнан астам марапатталған аналарға әсер етті.
Сондай-ақ мүгедектігі бар баланы (мүгедектігі бар балаларды) тәрбиелеп отырған отбасыларға берілетін жәрдемақының және бірінші топтағы мүгедектігі бар адамға күтім жасайтын адамдарға берілетін жәрдемақының мөлшері 1,4-тен 1,61-ге ең төменгі күнкөріс деңгейіне дейін (2023 жылы 65 313 теңге) немесе 14,5% - ға арттырылды. Жыл басынан бері жоғарыда аталған жәрдемақыларды орта есеппен 59 млрд 373 млн теңгеге 143 мыңнан астам адам алды.
Бұдан басқа, арнаулы мемлекеттік жәрдемақылардың кейбір түрлерінің мөлшері орта есеппен 14,5% - ға ұлғайды. Оған кімдер жататынымен мына арадан таныса аласыздар.
