US Open: Данилина да, Голубев те турнирдің үшінші айналымына шыға алмады

Қазақстандық теннисшілер Анна Данилина мен Андрей Голубев US Open 2023 турнирінің екінші айналымындағы матчтарын өткізді, деп хабарлайды Zakon.kz.

Анна Данилина "Үлкен дулыға" санатындағы турнирдің 1/32 финалында британиялық теннисші Хитер Уотсонмен жұптасып, жапон-индонезиялық Мию Като - Алдила Сутджади жұбымен кездесті. Олар қарсыласынан екі сетте 3:6, 1:6 есебімен жеңілді. Ойын 1 сағат 10 минутқа созылды.

Бұл кезде ерлер арасындағы жұптық сайыста №7 кортта Андрей Голубев ресейлік Роман Сафиуллинмен бірге турнирдің үшінші айналымына шығуға таласты. Олар Мэттью Эбден (Аустралия) мен Рохан Бопаннаға қарсы ойнап, 3:6, 3:6 есебімен жеңілді. Кездесу 1 сағат 5 минутқа созылды.

Айта кетейік, бүгін Қазақстанның бірінші ракеткасы, US Open турниріндегі Қазақстанның жалғыз өкілі - Елена Рыбакина үшінші айналымдағы матчын өткізеді. Ол румыниялық теннисші Сорана Кырстямен ойнайды. Бұл матч Астана уақытымен 2 тамыз сағат 07:00-де өтеді.