Арман Шаққалиев - Сауда және интеграция министрі
Сурет: gov.kz
"Мемлекет басшысының Жарлығымен Арман Абайұлы Шаққалиев Қазақстан Республикасының Сауда және интеграция министрі лауазымына тағайындалды", - делінген хабарламада.
Ол бұған дейін ҚР Сауда және интеграция бірінші вице-министрі қызметін атқарды.
Арман Шаққалиев 1977 жылы Қарағанды облысында дүниеге келген.
Л.Гумилев атындағы Еуразия университетін ("заңгер" мамандығы), Бөкетов атындағы Қарағанды мемлекеттік университетін ("экономист" мамандығы), М. Дулатов атындағы Қостанай инженерлік-экономикалық университетін ("Стандарттау, сертификаттау және метрология"мамандығы) бітірген.
Еңбек өтілі:
Еңбек жолын 1998 жылы Астана және Ақмола облысы бойынша "Кәсіпорындарды қайта ұйымдастыру және тарату агенттігі" ААҚ заң кеңесшісі болып бастаған.
- 2001 жылдан 2004 жылға дейін кәсіпорындарды қайта ұйымдастыру және тарату агенттігінде, Қазақстан Республикасының Мемлекеттік материалдық резервтер жөніндегі агенттігінде, Қазақстан мемлекеттік кірістер министрлігінде басшылық лауазымдарда жұмыс істеді.
- Техникалық реттеу жүйесінде 2004 жылдан бастап "Қазақстан метрология институты" РМК директоры болып жұмыс істей бастады.
- 2008 жылдың маусымынан 2016 жылдың сәуіріне дейін "Қазақстандық стандарттау және сертификаттау институты" республикалық мемлекеттік кәсіпорнының директоры қызметін атқарды.
- 2016-2018 жылдары-Еуразиялық экономикалық комиссияның Техникалық реттеу және аккредиттеу департаментінің директоры.
- 2018-2019 жылдары - ҚР Инвестициялар және даму министрлігінің Техникалық реттеу және метрология комитетінің төрағасы.
- 2019 жылдың тамызынан 2020 жылдың қыркүйегіне дейін - ҚР сауда және интеграция министрлігінің Техникалық реттеу және метрология комитетінің төрағасы.
- 2020 жылғы қарашадан 2022 жылғы қазанға дейін-Қазақстан Республикасынан Еуразиялық экономикалық комиссия алқасының мүшесі, ЕЭК бәсекелестік және монополияға қарсы реттеу министрі болды.
- 2022 жылғы қазаннан қазірге дейін (2023 жылғы 2 қыркүйек) Сауда және интеграция бірінші вице-министрі қызметін атқарды.
"Ерен еңбегі үшін" медалімен, "Құрмет" орденінің иегері.
