Алматыдағы аудандардың бірінде бірнеше автобустың бағыты ұзартылды

Алматының Әуезов ауданында жеті автобус бағыты ұзартылды, деп хабарлайды Zakon.kz.

Бұл жаңалықты қала әкімі Ерболат Досаев аудан тұрғындарымен кездескен кезде айтты.

"Әуезов ауданы тұрғындарының өтініштері бойынша мына бағыттар ұзартылды: № 55 – "Сары-Арқа" метро станциясына дейін, № 142 – "Бауыржан Момышұлы" стансасына дейін (ЖЭО-2-ден), № 53 – Абай – Б.Момышұлына дейін, №78, 110, 226 да "Бауыржан Момышұлы" стансасына дейін және №132 "Сайран станциясына дейін ұзартылды", – деді әкім.

Әуезов ауданында жыл басынан бері 17 бағыт бойынша 219 автобус жаңартылды.