Павлодарда мектеп ауласында былапыт сөйлеп, балаларға тиіскен тұрғын қамалды
Сурет: Zakon.kz
Павлодардың әкімшілік құқық бұзушылықтар жөніндегі мамандандырылған соты мектеп ауласында былапыт сөйлеп және кәмелетке толмаған балаларға тиіскен облыс тұрғынына қатысты іс қарады, деп хабарлайды Zakon.kz.
Сотта тұрғын И. 2023 жылдың 14 қыркүйегінде Кенжекөл орта мектебінің ауласында айналасындағыларды сыйламай, қоғамдық тәртіп пен азаматтардың тыныштығын бұзғаны, кәмелетке толмаған балалардың мазасын алып, ұсақ бұзақылық жасағаны анықталды.
Сот отырысында күдікті И. кінәсін толық мойындады. Оның кінәсі учаскелік полиция қызметкерінің баянатымен, куәлардың айғақтарымен дәлелденді.
Сот оны Әкімшілік құқық бұзушылық туралы кодекстің 434-бабы 1-бөлігімен кінәлі деп танып, 10 тәулік мерзімге әкімшілік қамаққа алу түріндегі жаза тағайындады.
Қаулы заңды күшіне енген жоқ.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
