Мемлекет басшысы Сауд Арабиясының Короліне құттықтау жеделхатын жолдады
![Тоқаев, сурет - Zakon.kz жаңалық 23.09.2023 09:35](https://kaz.zakon.kz/pbi/WEBP/2023-12-20/file-9b8e34c3-9434-4f3d-87f3-42d99c482962/800x450.webp)
Президент Қасым-Жомарт Тоқаев Қазақстан халқының және жеке өз атынан қос киенің сақшысы, король Салман бен Әбделазиз Әл Саудты Сауд Арабиясының Ұлттық күнімен құттықтады, деп хабарлайды Zakon.kz.
"Бүгінде еліңіз – саяси тұрғыда іргесі берік, экономикасы тұрақты, Таяу Шығыстағы үлгі тұтар мемлекет, сондай-ақ халықаралық қауымдастықтың беделді мүшесі. Алдағы уақытта Сіздің басшылығыңызбен Корольдіктің дамуы баянды, мерейі әрқашан үстем болуына тілектеспін", - деп жазылған жеделхатта.
Мемлекет басшысы Сауд Арабиясы Қазақстанның Шығанақтағы сенімді серіктесі екенін атап өтіп, екі ел арасындағы дәстүрлі достық пен жоғары деңгейдегі саяси диалогқа негізделген қарым-қатынастар одан әрі нығая беретініне сенім білдірді.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript