Алматыда Космостанцияға дейінгі жол жабылды

Жекелеген шенеуніктер, экологтар мен шекарашылардан басқа жүргізушілерге "Алматы-Космостанция" күре жолының бойымен жүруге шектеу қойылды, деп хабарлайды Zakon.kz.

"ҚазАвтоЖол" ҰК" АҚ баспасөз қызметінің мәліметінше, жол қозғалысына қатысушылардың қауіпсіздігін қамтамасыз етіп, тәртіп пен тазалықты сақтау мақсатымен Р-22 "Алматы-Космостанция" күре жолында (15-34 шақырымдары аралығы) көлік қозғалысына шектеу енгізілді.

Қызметтік міндеттемелерді орындау үшін жүріп өтуге рұқсат етілгендер:

• Ұлттық саябақ қызметі,
• шекара заставасы,
• "Космостанция" ғылыми базасы,
• метеорологиялық және гидрологиялық қызметтер,
• Алматы қаласының туризм басқармасы.

Жабық аймақпен бекітілген тізімге сәйкес және тек қызметтік автокөлікпен жүруге рұқсат берілген.